Құпиялылық саясаты

1.1. Осы Құпиялылық саясаты (бұдан әрі — «Саясат») Қазақстан Республикасының Конституциясына және 2013 жылғы 21 мамырдағы № 94-V «Дербес деректер және оларды қорғау туралы» Қазақстан Республикасының Заңына (бұдан әрі — «Заң») сәйкес әзірленген; ол дербес деректерді өңдеу тәртібін және олардың қауіпсіздігін қамтамасыз етуге бағытталған шараларды айқындайды.

1.2. Осы Саясат Оператордың Веб-сайтты пайдалану, кері байланыс нысандарын толтыру, өтініштер жолдау және Веб-сайтта  көрсетілген байланыс арналары арқылы Оператормен өзара әрекеттесу кезінде жиналатын және өңделетін дербес деректерге қолданылады.

1.3. Веб-сайтты пайдалану және Операторға өтініш жолдау арқылы субъект осы Саясатпен танысқанын растайды.

1.4. Веб-сайтты пайдалануды жалғастыра отырып, субъект өзінің дербес деректерін өңдеуге қатысты қолданыстағы заңнамалық талаптарды бұзбағанын және бұзбайтынын, сондай-ақ осыған байланысты Операторға ешқандай талап-арызы жоқ екенін растайды.

2.1. Заң – Қазақстан Республикасының 2013 жылғы 21 мамырдағы № 94-V «Дербес деректер және оларды қорғау туралы» заңы (кейіннен енгізілген өзгерістер мен толықтыруларды ескере отырып).

2.2. Дербес деректерді өңдеу — дербес деректерді жинақтауға, сақтауға, өзгертуге, толықтыруға, пайдалануға, таратуға, иесіздендіруге, анонимдеуге, бұғаттауға, жоюға және алып тастауға бағытталған іс-әрекеттер;

2.3. Дербес деректер — электрондық, қағаз және/немесе басқа материалдық жеткізгіште тіркелген, нақты жеке тұлғаға қатысты немесе осы ақпарат негізінде жеке тұлғаны анықтауға мүмкіндік беретін ақпарат.

2.4. Субъект — дербес деректер тиесілі жеке тұлға.

2.5. Келісім — алынғанын растауға мүмкіндік беретін нысанда берілетін субъектінің ерікті түрде білдірілген келісімі.

2.6. Трансшекаралық беру — дербес деректерді шет мемлекеттердің аумағына беру.

3.1. Оператор Веб-сайттағы кері байланыс нысаны арқылы субъект тікелей ұсынған дербес деректердің мынадай санаттарын өңдейді:

- тегі, аты (бар болған жағдайда — әкесінің аты);

- электрондық пошта мекенжайы;

- телефон нөмірі;

- ұйымның атауы және (немесе) лауазымы;

- өтініштің тақырыбы мен мазмұны.

3.2. Субъект Операторға мессенджерлер немесе электрондық пошта арқылы жүгінген кезде, ол өз бастамасымен жіберілген хабарламада көрсеткен деректер де өңделуі мүмкін.

3.3. Оператор Заңда айқындалған арнайы санаттарға жататын дербес деректерді жинамайды және өңдемейді.

4.1. Оператор дербес деректерді, оның ішінде, мынадай мақсаттарда өңдейді:

-өтініштерді, сұрау салуларды және іскерлік ұсыныстарды қарау және өңдеу;

-субъектімен кері байланыс орнату;

-іскерлік коммуникацияны жүзеге асыру;

-Қазақстан Республикасының заңнамасында белгіленген талаптарды орындау;

-көрсетілетін қызметтердің сапасын арттыру мақсатында статистикалық талдау жүргізу;

-веб-сайттың жұмыс істеуін, техникалық қолдауын және жетілдірілуін қамтамасыз ету;

-Қазақстан Республикасының заңнамасына сәйкес өзге де мақсаттар.

5.1. Дербес деректерді жинау мен өңдеудің құқықтық негіздері — осы Саясаттың 5.2-тармағында белгіленген тәртіпке сәйкес  берілетін субъектінің келісімі, сондай-ақ Қазақстан Республикасының заңнамасында көзделген өзге де негіздер.

5.2. Веб-сайттағы нысан арқылы деректер жиналған кезде, нысанды жібермес бұрын тиісті өрістегі бөлек белгі қою арқылы келісім беріледі. Оператор келісімнің берілгендігін және оның берілген күнін тексеруге болатынын қамтамасыз етеді.

5.3. Дербес деректерді жинау және өңдеу заңды негізде, нақты, алдын ала айқындалған және заңды мақсаттар үшін жүзеге асырылады. Өңделетін дербес деректердің көлемі мен мазмұны көрсетілген мақсаттарға қатысты артық болмауға тиіс.

6.1. Заңда көзделген жағдайларды қоспағанда, дербес деректерді өңдеу субъектінің келісімімен, автоматтандырылған және (немесе) автоматтандырылмаған құралдарды пайдалану арқылы жүзеге асырылады.

6.2. Дербес деректерді жинау және өңдеу Қазақстан Республикасының заңнамасы талаптарын сақтай отырып жүзеге асырылады. Дербес деректер Қазақстан Республикасының аумағында орналасқан дерекқорда сақталады.

6.3. Дербес деректер, егер Қазақстан Республикасының заңнамасында өзгеше сақтау мерзімі көзделмесе, оларды жинау және өңдеу мақсаттарына қол жеткізілгенге дейін сақталады. Өңдеу мақсаттарына қол жеткізілгеннен кейін, егер оларды одан әрі сақтауға заңды негіз болмаса, дербес деректер Қазақстан Республикасының заңнамасында белгіленген тәртіппен жойылуға және (немесе) құртылуға тиіс. Келісім кері қайтарып алынған жағдайда, дербес деректерді өңдеуді жалғастыруға өзге де заңды негіздер болмаған кезде, Оператор заңнамада белгіленген мерзімдерде оларды өңдеуді тоқтатады.

7.1. Оператор дербес деректерді үшінші тұлғаларға жария етпейді және бермейді, бұған өңдеу мақсаттарына қол жеткізу үшін қажет болатын, субъектінің келісімімен жүзеге асырылатын немесе заңнамада көзделген жағдайлар кірмейді. Трансшекаралық беру қажет болған жағдайда, ол деректерді қабылдайтын тараптың дербес деректерді қорғауды қамтамасыз етуі шартымен жүзеге асырылады.

8.1. Веб-сайт техникалық жұмысын қамтамасыз ету, оның жұмыс істеуін қолдау және пайдаланылуын талдау мақсатында cookie файлдарын және осыған ұқсас технологияларды қолдануы мүмкін. Субъект браузер баптауларында cookie файлдарын өшіре алады. Алайда бұл жағдайда веб-сайттың кейбір функциялары қолжетімсіз болуы мүмкін.

9.1. Оператор Заңның 25-бабына сәйкес дербес деректерді заңсыз қол жеткізуден, өзгертуден, таратудан немесе жоюдан қорғау үшін қажетті құқықтық, ұйымдастырушылық және техникалық шараларды қабылдайды, сондай-ақ дербес деректерді өңдеуді ұйымдастыруға жауапты тұлғаны айқындайды.

10.1. Субъектінің мынадай құқықтары бар:

- заңнамада көзделген жағдайларды қоспағанда, өзінің дербес деректерін өңдеуге қатысты ақпарат алуға;

- Оператордан дербес деректерін өзгертуді және толықтыруды талап етуге;

- дербес деректері толық емес, ескірген, анық емес, заңсыз алынған немесе өңдеу мақсаттары үшін қажет емес болған жағдайда, оларды бұғаттауды немесе жоюды талап етуге;

- дербес деректерді жинауға және өңдеуге бұрын берілген келісімді кері қайтарып алуға;

- Оператордың әрекеттеріне (әрекетсіздігіне) дербес деректерді қорғау саласындағы уәкілетті органға және (немесе) сотқа шағымдануға.

11.1. Субъект дербес деректерін өңдеуге берген келісімін кез келген уақытта info@iconiccomplex.com электрондық пошта мекенжайына немесе деректемелерде көрсетілген пошта мекенжайына тиісті өтініш жолдау арқылы кері қайтарып алуға құқылы. Оператор өтінішті Қазақстан Республикасының заңнамасында белгіленген мерзімдерде қарайды.

12.1. Оператор осы Саясатқа өзгерістер енгізуге құқылы. Саясаттың қолданыстағы редакциясы Оператордың веб-сайтында жарияланады және жарияланған сәттен бастап күшіне енеді.